Hasiera
Gelak
Zer Ikusi
Kontaktua
Galeria



Erreserba

Oteo

Historia

Oteo hiribildua igarotzeko leku moduan sortu zuten, Harana eta Kanpezu artean mugitzen ziren pertsonak eta merkantziak kontrolatzeko, nahiz eta Historiaurreko aztarnak diren: Arratiandi haitzuloan, Atauri eta Oteo artean, Eneolitiko aztarnak eta gizaki hezurren sedimentuak aurkitu dira.

1182an, Antso Jakitunak, Nafarroako Erregeak, Antoñana hiribilduari eman zizkion Foruetan jasota dago Oteo haren lurralde barruan zegoela.

1256ko otsailaren 5eko Errege Zedulan, Alfonso X Jakintsuak Santikurutze Kanpezuri eman zion Foruan, lurraldea mugarritzeko orduan «Angosto de Oteyo» toponimoa jaso zuen. « Oteyo» izeneko toki honetan aurrerago Oteo herria kokatu zen.

Trastámarako Enrike jaunak herria Rojas leinuari eman zio. Ondoren, hark María alabari oparitu zion Álvaro de Mendoza y Guzmán jaunarekin ezkondu zenean, eta orduan Mendoza familiakoen, Orgaz Kondeen, esku gelditu zen.

1678ko urtarrilean herritarrek Karlos II.ari hiribildua erosi zioten, eta baita “berezko hiribildu” izendapena ere; bere autonomia mantendu zuen Kanpezuko Udalarekin batu zuten arte.

Hiribildua

Oteo Arana eta Kanpezuko bailaren artean dago, hiribildua inguratzen duten mendi baten magalean. Magal horretan sakabanatzen dira baserriak, etxeak elkarrengandik bananduta daudelarik. Bere iragan historikoko etxeen fatxadetako ezkutuak, puntu-erdiko arkuetako ateak eta leiho gotikoak geratzen dira; Ruiz de Alda-renak, kasu,.

Sakan batetik zintzilikatuta San Mamési eskainitako parrokia-eliza dago; probintzian Santu horri eskainita dagoen bakarra da.

Antzinako eskolak kultura-etxe bihurtu dituzte, eta horren ondoan pilota-frontoia dago.

Goialdean, ikuspegi ederrak dituen San Juan ermita dago. Mendian, tontorrean, San Cristobal-i eskainitako ermita dado, orain dela gutxi zaharberritua.

Antoñanara doan errepidean, harkaitzen artean eta ur-jauzi eder baten ondoan, 1736. urteko irin-errota kokatzen da; Arabako Mendialdeko ederrenetako bat da.

Gehiago jakin

Credit by Ayuntamiento de Campezo

Beste gune interesgarri batzuk

Gehiago jakin
Ignaziotar bidea
1522 urte hartan Loiolako Ignaziok, artean zalduna, bere Loiolako etxetik Manresa hirira egin zuen erromesaldia berregitera dator.
Antoñana
Historiaurretik, Antoñana hiribilduan abereak hezten zituzten zenbait nomada bizi ziren.
Orbiso
Herriaren kokalekua zein den kontuan izanda Nafarroa eta Arabaren arteko pasabidea izan da betidanik, bereziki erabiltzen zuten Nafarroatik Lautadara eta itsasoaldera joaten ziren bidaiariek. Horrela izan zen Erromatar garaian, eta baita Erdi Aroan ere, XVI. eta XIX. mende bitartean izan zuen oparotasun handiagoko goreneko unea.
Izki Parke Naturala
Izki 1.998an izendatu zuten Parke Natural. Bere 9.143 hektareetan paisaia desberdin ugari biltzen ditu eta Euskal Autonomia Erkidegoko parkeetan hirugarrena da, handitasunean.
Bujanda
Antzin-antzinako herria dugu. 1071. urtean, zenbait agiritan agertzen zen Buszanda izenarekin, eta Buxanda 1742. urteko “Cuaderno de Ordenanzas de Alava”-n.
Oteo
Oteo hiribildua igarotzeko leku moduan sortu zuten, Harana eta Kanpezu artean mugitzen ziren pertsonak eta merkantziak kontrolatzeko, nahiz eta Historiaurreko aztarnak diren: Arratiandi haitzuloan, Atauri eta Oteo artean, Eneolitiko aztarnak eta gizaki hezurren sedimentuak aurkitu dira.